Skip to main content

Frá rúðupappír í fylki

Svona urðu mynstrin tölvutæk

Í hnotskurn

Hver mynstursíða er lesin sem mynd, rúðurnar fundnar og athugað hvort kross er í hverri rúðu. Út kemur fylki af núllum og einum.

Bókinni fylgir geisladiskur með öllum mynstursíðunum sem .pdf eða .eps skrár. Þær henta illa til að vinna með í tölvu. Langflest mynstrin eru í tveimur litum, kross og ekki kross, og verkefnið einskorðaði sig við þau.

Mynstur teiknað með krossum á rúðustrikað blað

Fyrir: mynstur úr Íslenskri sjónabók í .eps skrá.

Sama mynstur sem hreinir svartir og hvítir reitir

Eftir: sama mynstur eftir vinnslu, á .png formi.

Svona vinnur kóðinn:

  1. Hver .eps skrá er sótt og sett í grátóna fylki í Python.
  2. Fylkinu er skipt í núll og einn. Pixill sem er yfir ákveðnum þröskuldi af dökkgráu verður svartur (1), restin hvít (0).
  3. Rúðustrikuðu línurnar eru fundnar.
  4. Ef hlutfall svartra pixla innan reits er yfir 0,5 telst vera kross í reitnum.
  5. Upplýsingunum er safnað í nýtt fylki þar sem 1 stendur fyrir kross og 0 fyrir engan kross.
  6. Öllu aukaplássi utan mynstursins er hent og fylkið vistað á tveimur sniðum: sem textaskrá og sem .png.

Textaskrárnar er einfalt að hlaða inn í fylki til að nota síðar. .png skrárnar eru þægilegri til að skoða mynstrin.

Mörg mynstur á einni síðu

Í sumum skrám eru fleiri en eitt mynstur og þá þarf að aðskilja þau.

  • Borðar aðskiljast einfaldlega, annaðhvort lárétt eða lóðrétt.
  • Önnur mynstur og stafróf aðskiljast á flóknari hátt. Þar var notuð útfærsla af DFS.
  • Aðskilin mynstur af sömu síðu eru vistuð saman í möppu.
  • Einnig er til kóði sem finnur endurtekningar í mynstri og geymir minnstu endurtekninguna.

Næst: notaðu mynstrin.

Snæfríður Ebba Ásgeirsdóttir. Úr lokaskýrslu verkefnisins (Lúðvíksson o.fl., 2024); kóði í Sjonabok (HiDef Textiles, 2024).

Heimildir

HiDef Textiles. (2024). Sjonabok: stafræn mynstur úr Íslenskri sjónabók. GitHub. https://github.com/HiDefTextiles/Sjonabok
Lúðvíksson, E., Hilmarsdóttir, G. Í., og Ásgeirsdóttir, S. E. (2024). Lokaskýrsla: HiDef Textíll: Tæknivæddar prjónavélar [Lokaskýrsla til Nýsköpunarsjóðs námsmanna]. Háskóli Íslands. https://github.com/HiDefTextiles/NSN-2024